სსიპ - განათლების ხარისხის განვითარების ეროვნული ცენტრის დირექტორის ბრძანების საფუძველზე ცვლილება შევიდა „მასწავლებლის მომზადების საგანმანათლებლო პროგრამის დარგობრივი მახასიათებლის დამტკიცების შესახებ" სსიპ - განათლების ხარისხის განვითარების ეროვნული ცენტრის დირექტორის 2018 წლის 10 ივლისის №622/ი ბრძანებით დამტკიცებულ დანართში.
ცვლილების შესაბამისად მასწავლებლის მომზადების საგანმანათლებლო პროგრამის ფარგლებში შესაძლებელია გაერთიანდეს ეროვნული სასწავლო გეგმით გათვალისწინებული არაუმეტეს 8 საგნის სწავლების მეთოდიკის მოდული; მასწავლებლის მომზადების საგანმანათლებლო პროგრამის აკრედიტაციის მიზნებისთვის, საგანმანათლებლო პროგრამის ფარგლებში ეროვნული სასწავლო გეგმით გათვალისწინებული უცხოური ენების სწავლების მეთოდიკის მოდულები ჩაითვალოს სწავლების მეთოდიკის ერთ მოდულად.