სახალხო უნივერსიტეტთა გერმანული ასოციაციის (DVV International) ოფისში 2017 წლის 15 ივლისს საჯარო დისკუსია გაიმართა თემაზე „განათლება და დასაქმება“.
დისკუსიის ფორმატში განხილული იყო საკითხები, თუ რამდენად შეესაბამება საქართველოს შრომის ბაზრის მოთხოვნებს და ქვეყნის განვითარების პერსპექტივებს პროფესიული და უმაღლესი განათლების არსებული შეთავაზებები, ასევე თუ რა კეთდება იმისათვის, რომ შეიცვალოს ახალგაზრდებში არსებული სტერეოტიპული მოთხოვნა გარკვეულ პროფესიებზე.
დისკუსიაში მონაწილეობა მიიღო ცენტრის პროფესიული განათლების ხარისხის უზრუნველყოფის სამსახურის უფროსმა, კახაბერ ერაძემ. შეხვედრაში ასევე მონაწილეობდნენ შრომის ჯანმრთელობისა და სოციალური დაცვის სამინისტროს, დამსაქმებელთა ასოციაციის, ივანე ჯავახიშვილის სახელობის თბილისის სახელმწიფო უნივერსიტეტის და საკითხით დაინტერესებულმა ფართო საზოგადოების წარმომადგენლებმა.