FAQ

ბოლონიის პროცესი

 

უმაღლესი განათლების ევროპული სივრცე და ბოლონიის პროცესი

 

ევროპის 29 ქვეყნის უმაღლეს განათლებაზე პასუხისმგებელმა მინისტრმა 1999 წლის 19 ივნისს იტალიის ერთ-ერთ უძველეს საუნივერსიტეტო ქალაქში ხელი მოაწერა ბოლონიის დეკლარაციას. აღნიშნულ დოკუმენტზე ხელმოწერით შესაბამისმა სახელმწიფოებმა გამოხატეს საერთო მზადყოფნა მონაწილეობა მიეღოთ უმაღლესი განათლების ერთიანი ევროპული სივრცის ჩამოყალიბებაში.

ბოლონიის დეკლარაციაზე ხელმოწერას წინ უსწრებდა ისეთი დოკუმენტების მიღება, როგორებიცაა:  უნივერსიტეტების დიდი ქარტია (1988), ლისაბონის კონვენცია (1997) და სორბონის დეკლარაცია (1998).

 

 საქართველო ბოლონიისპროცესს 2005 წელს, ბერგენის სამიტზე შეუერთდა.

 

ბოლონიის პროცესის ფარგლებში თანამშრომლობა

 

 

ბოლონიის პროცესის TPG A, QF-ზე  მონაწილეობა - 2019 წლიდან ცენტრი არის ბოლონიის პროცესის TPG A QF-ის წევრი. 2022 წლიდან კი სსიპ  განათლების ხარისხის განვითარების ეროვნული ცენტრი ამ ჯგუფის თანათავმჯდომარეა. თანამშრომლობის ფარგლებში ცენტრი აქტიურად მონაწილეობს სხვადასხვა შეხვედრებსა და კონფერენციებში, რაც ბოლონიის პროცესის  ნაწილია. ცენტრი აქტიურად არის ჩართული ეროვნული კვალიფიკაციის ჩარჩოს ევროპულ ჩარჩოსთან ჰარმონიზაციაში.

 დამატებითი ინფორმაცია ბმულზე: https://www.ehea.info/page-peer-group-A-QF

 

ლისაბონის აღიარების კონვენციის განხორციელებაზე მომუშავე თემატურ ჯგუფში  B (TPG B on LRC) ჩართულობა - ცენტრი ასევე ჩართულია LRC TPG B-ის განხორციელებაში, რომელიც მიზნად ისახავს ლისაბონის აღიარების კონვენციის სრული განხორციელების მხარდაჭერას და შესაბამისი სივრცის შექმნას გამოცდილების გაზიარებისთვის.

დამატებითი ინფორმაცია ბმულზე:  https://www.ehea.info/page-peer-group-B-LRC

 

ხარისხის უზრუნველყოფის თემატურ ჯგუფში (TPG C on QA) ჩართულობა - 2018 წლიდან ცენტრი არის ხარისხის უზრუნველყოფის თემატური ჯგუფის წევრი (TPG C on QA). TPG C აქტივობები ეძღვნება ხარისხის უზრუნველყოფის (QA) სისტემების განვითარებას ESG-ის შესაბამისად.

 

დამატებითი ინფორმაცია ბმულზე:  https://www.ehea.info/page-peer-group-C-QA

უმაღლესი განათლების სოციალური განზომილება (SD) - საქართველოს წარმოადგენს ცენტრი და არის სოციალური განზომილების (SD) სამუშაო ჯგუფის წევრი. ჯგუფის მიზანია ხელი შეუწყოს ევროპის უმაღლესი განათლების სივრცის წევრებს, შეიმუშაონ SD პოლიტიკა, რათა უზრუნველყონ ხელმისაწვდომი, ინკლუზიური, სამართლიანი და თანაბარი განათლება EHEA-ში. ცენტრის წარმომადგენელი რეგულარულად მონაწილეობს სამუშაო ჯგუფის შეხვედრებში, სადაც განიხილება SD-ის მიმართულებით მიმდინარე მიღწევები და საჭიროებები, მათ შორის, შესრულების ინდიკატორების შემუშავება და მონიტორინგის გეგმა.

სწავლისა და სწავლების სამუშაო ჯგუფი - 2022 წლიდან, ცენტრს წვლილი შეაქვს BFUG-ის სწავლისა და სწავლების სამუშაო ჯგუფში, რომელიც ეხმარება EHEA-ს უმაღლეს განათლებაში სწავლებისა და სწავლის გაუმჯობესების ეროვნული სტრატეგიების შემუშავებაში და მუშაობს პროგრესის გაზომვის ინდიკატორების შემუშავებაზე, T&L EHEA-ზე, ბოლონიის განხორციელების ანგარიშისთვის.

 

დამატებითი ინფორმაცია ბმულზე:  https://www.ehea.info/page-Working-Group-Learning-and-Teaching

 

 

ბოლონიის პროცესის ძირითადი დოკუმენტები

ბოლონიის პროცესის დოკუმენტები